هدية للي جرحني

جرحتني وجرح المشاعر ترى غير
حتى الجروح لاشك ما هي سويّه
دام افترقنا يالله عسى خير
ما كل مكتوب علينا بليّه
ما كان ودي تجرح القلب وتسير
ولا كان ظني تقتل الحلم فيّه
كثرة صدودك والبعد والمعاذير
ما عاد خلت للسوالف بقيّه
ياما عطيتك من صباحي تباشير
وأخلصت لك بالقلب حب ونيّه
كان اعتقادي لو حصل يوم تقصير
تبقى مشاعرك الوفية وفيّه
واللي طلبته قلت لك تم ويصير
ما كنت داري إن موتي بيديّة
صدق المشاعر صابه اليوم تغيير
كل شي تغير فيك والله عليّه
دايم أدور للهجر منك تبرير
وأقول يمكن جاك منّي خطيّه
حتى خيالي مالقى فيك تفسير
أروح وارجع باليدين الخليّه
رفعت قدرك وارتضيتك عن الغير
فيما مضى كنت بزماني هديّة
واليوم ردي مايبي منك تفكير
هو باقي أردى من حياتي الشقيّة

كلام جميل منك يامستشار
لب روحك وروح مشاعرك

وعندي كلمات بقولها

من المؤلم جدا ان يصل الجرح الى المشاعر لأني ارى ان المشاعر هي الأنسان هي روحه التي يعيش عليها ولذلك يجب على اي شخص ان يحدد علاقاتة بصورة طبيعية وبأن يحاول ان علاقاتة لاتصل الى حدود جرح مشاعره

لماذا الجرح ياقلبي

يارب مايوصل أحد للفراق والجرح وخدش المشاعر

تراها مالها بسهلة وربي تعذب والألم يستمر

بس أكيد

أكيد

أكيد

نحن أقوى من أي ألأم وجرح مهما كان صعب

في بداااااخلنا القوة الذاتية اللي بعمره انسان مابيقدر يوصلها

لانها خاصة فينا

فديت اللي يحس واللي يشعر

سلمت يداااك مستشارنا الغالي

وشكراا مغرم على التدخل الجميل منك

هدية للي جرحني 958868