يمكن يْهَـــــدِّم بغفله حجــار مدماكي

معــذب بحـبـِك انا لا تسألي شو بـاك
و الجفن هايم ع لحظــة يوم ملقاكي
زيحي الستاير وخلي فتحــة الشـباك
تسمح لقــلبي تا يحفل في محـــياكي
يمكن يْهَـــــدِّم بغفله حجــار مدماكي
يللي اعتبرتك قمر من بين هالأفـلاك
ســبحان الله جمال الروح أعـــطاكي
يا بدر عمري فـؤادي قــال ما أحلاك
و العــمر كلو سُـدى يا روح لولاكي

هاجـرت لكن يا حبي البكر ما بنساك
ومهما غوتني الطبيعه كيف بنساكي
النسيان مهما غدر ما بقـول بترجاك
تركني لوحدي تا انطر حــــد شباكي

هونيك قلبي تركتو بصومعـــة نساك
لحقت شرع الهوى ونسيت اشواكي
و سألت قلبي يا قلبي قـول ما أدراك
مين بجمال الاسم يا روح أســـماكي

والناس يللي أسرها المال و الأملاك
وحدي اسير الهوى و الحب حـلاَّكي
لو طل بدرالدجى رح قول ما برضاك
قلبي بينشد ع طـول العمر مرضاكي

لكن خطــــــابـِك بقلبي سبب الارباك
و اسوأ نتيجه اذا عــــــانيت ارباكي
بالحلم عايش أنا وما بعرف الادراك

الغيره وباء النفس ما شفتها اضحـاك
طبعــك لجوج و الـف عثره بمسراكي
تحلي بهدوء وبلا ما تنصبي الاشراك
من دون بحث وتقصي بكون مسعاكي

و الحب يللي بنيتو بالعـــــمر مدماك
ينهي بلحظة هـــوانا و انتهي شاكي
تروي عليي بدل ما تعَقـدي الأسلاك
ما كان ظالـــم بنفسو انكان ساواكي

يمكن يْهَـــــدِّم بغفله حجــار مدماكي T