استاذالصيد نائب المدير
عدد المساهمات : 1269 نقاط : 7603 السٌّمعَة : 30 تاريخ الميلاد : 04/12/1993 تاريخ التسجيل : 26/10/2010 العمر : 30
| موضوع: ذيك بنت من غلاها عامله فيني حصار الأحد 06 مارس 2011, 8:13 am | |
| بختصآآر
يا غشــيمه ليـــه تبدين الأسف والأعتذآر أصـلا احنا منتهيـن ان كان هـــذا يجهلــك !!
ثـم أنـا ما ودي أفتـــح بيننا بـاب الحـــوار بـس أنا عــارف فضولك .. بالنهايـــة يقتلك !!
تسأليني مـن معـي بعـدك خذت فكـري وصـار .. يحتفـل فيهـا قصـيدي .. وعلّمَتني أهملــــك؟؟
واسمحي لي راح أجاوب لك سـؤالك في إطار .. الصـراحه .. وادري إنّ آخـر كلامـــي يزعلك
ذيــك بنت ٍ مـن غلاها عاملـه فيـني حصــار .. وين ما وجهت نبضي لجلها قلـــبي ســـلك
ذيك بنــــــت ٍ تـزرع البسـمات في كـل الـــديار .. تغفل بطيبــة نواياهـــــا .. و ? تســتغــفلك
ذيك يــــــوم إنــــــك تركتيـني علــى شبه انهيار .. جتـــني وطـرت بهواهـــــــا للسـما وابعــد فلك
ذيـك يـــــوم آكلمك وابقـى علـى الخـط انتظـــار .. حطّت الدنيا ( انتظـار ) وجـت تقول : اشتقت لك
ذيك غيم وصــــالها ما شح في ليـــــل ونهـــــار .. وانتي ياخـذك التغلـــــــــي للغيــاب و يشــغلك !!
ذيك يوم إنـي –أمـــــوّل - لك تفاصـيلي دمـــار .. جـت تغـني ( الماضي لك / وبكره لك / وبعده لك )
وعـن جمال أوصافها خــايف يصـيبك انكســــــار .. ?نـــها لو تلتفــت لـك .. ضـــــيّعت مسـتقبلك !!
وانصـــحك من حســــنها ?يبتـدي قلبـك يغار .. وابعدي عنهـا تراها " حبـه .. حبـه .. تاكلـك "
نور عيني حبّهــــــا .. يعـني لي أكـبر انتصـــار .. حزت عرش ٍ مـن ملوك الأرض ما حـــــازه ملك
كـــــن قلـــبي من بعـــــد ما حبهـــا علّق شــعار : " الرجـــاء الأبتعاد .. القلب هــــــــذا ممتلك "
واعتقــــــد ما فيـه داعـي يكتمــــل هــــــذا الحــوار بـــس هـــي كلمــــــــه .. إذا ودك تعرفــي منزلك
شــفتي البنـت اللـــــي احتلت مكانـك .. باختصار : ذيك تســــــواك ِ وتسـاوي كـــــل طوايفـك وهلـك | |
|